Х.Досмұхамедов атындағы Атырау университетінің Орыс филологиясы кафедрасындағы ғылым апталығы нәтижелі өтті. Кафедра оқытушылары көптеген іс-шаралар ұйымдастырды.
2026 жылғы 17 сәуірде «Достық пен ынтымақтастық тілі» тақырыбында халықаралық дөңгелек үстел өткізілді. Іс-шара филология ғылымдарының кандидаты, Орыс филологиясы кафедрасының профессоры, ҚР Білім беру ісінің құрметті қызметкері, ҚР Журналистер одағының мүшесі, КазПРЯЛ мүшесі, әлемде орыс тілін насихаттағаны үшін МАПРЯЛ А.С. Пушкин медалінің иегері Сания Ибрагимқызы Камелованың мерейтойына арналды.
Іс-шараның модераторы – мерейтой иесінің өзі болды, ол дөңгелек үстел жұмысын өзінің баяндамасымен ашты. Дөңгелек үстел жұмысына Ресей Федерациясы Бас консулдығының вице-консулы және Орал қаласындағы «Русский дом» орталығының басшысы Константин Погорельский қатысты. Құттықтау сөзді университеттің ардагер қызметкері, филология ғылымдарының кандидаты, профессор Назира Умурзакова сөйледі. Сондай-ақ ЭКО «Былина» жетекшісі, «Былина» халық кітапханасының директоры, университеттің құрметті профессоры Андрей Кораблев және А.С. Пушкиннің 220 жылдығына арналған мерейтойлық медаль мен «Святая Русь» медалінің иегері Александр Чалова баяндама жасады.
Дөңгелек үстел жұмысына Ресей, Армения және Қазақстаннан ғалымдар онлайн форматта қатысты. Қарағандыдан педагогика ғылымдарының докторы, профессор Бибісара Измакова және Краснодардан филология ғылымдарының докторы, профессор Надежда Кравченко баяндама жасады. Өткен дөңгелек үстел жоғары ғылыми деңгейде ұйымдастырылды.
Баяндамалар мен пікірлер факультет оқытушылары мен студенттері тарапынан үлкен қызығушылық тудырды.
Пікірталаста филология ғылымдарының докторы, профессор, академик Асхат Иманғалиев, әлеуметтану ғылымдарының докторы, профессор, академик Бақытбек Таубаев, тарих ғылымдарының докторы, профессор Сайпулла Сапанов, сондай-ақ факультет декандары Сағынгерей Аймұратов (гуманитарлық факультет), Бахтыгүл Асанова (физика-математика факультеті) және Ақмарал Мұхамеджанова (ИББ) сөз сөйледі. Олар сондай-ақ мерейтой иесін құттықтады.
Халықаралық дөңгелек үстел жылы және достық атмосферада өтті.
