2025 жылғы 13 қыркүйекте Х. Досмұхамедов атындағы Атырау университетінің орыс филологиясы кафедрасының оқытушылары Ирандағы Гилян университетінің қонақ профессоры, PhD докторы Севиндж Мехтиханлымен бірге Қазақстан халқы Ассамблеясының 30 жылдығына арналған «Біз біргеміз» атты мерекелік концертке қатысу үшін Достық үйіне барды.
Іс-шара жоғары деңгейде ұйымдастырылып, Қазақстанды мекендейтін этностардың бай мәдени мұрасын танытқан мазмұнды бағдарламасымен ерекшеленді. Профессор мұндай бастамалардың халықтар арасындағы достықты нығайтуда және мәдениетаралық диалогты дамытуда маңызды рөл атқаратынын атап өтті. Сонымен қатар, қонақтар Эльдар Ахмедов жетекшілік ететін Әзірбайжан мәдени орталығының қызметімен танысты.
Бұдан бөлек, шетелдік ғалым үшін Атырау қаласына арнайы экскурсия ұйымдастырылды. Азаттық даңғылы бойымен жасалған автобус саяхаты, Жилгородок шағынауданындағы жаяу жүргіншілер көпірі және экскурсия жетекшісі Лев Гузиковтың әсерлі әңгімелері қала тарихымен жақынырақ танысуға мүмкіндік берді. Успен соборына, көне тұрғын үйлерге, алғашқы Кеңес үйінің ғимаратына және аңызға айналған «елестер үйіне» жасалған сапар экскурсияның ерекше есте қаларлық бөлігіне айналды. Қаланың жағалауында серуендеумен аяқталған экскурсия профессордың бойында жарқын әсерлер мен жағымды естеліктер қалдырды.
Бұл күндер Қазақстан мен Иран арасындағы мәдени және білім беру салаларындағы ынтымақтастықты нығайтуға бағытталған маңызды қадамдардың бірі болды.
