Кенжегалиева Гульбаршын Болатовна

Экономика ғылымдарының магистрі, аға оқытушы, жоғары білім беру саласында көп жылдық тәжірибесі бар білікті маман. Ол 1998 жылы Х. Досмұхамедов атындағы Атырау мемлекеттік университетін «Әлеуметтік саладағы экономика» мамандығы бойынша тәмамдаған. 2012 жылы М. Өтемісов атындағы Батыс Қазақстан мемлекеттік университетінде «Экономика» мамандығы бойынша магистрлік дәрежесін алған. Еңбек жолын 2001 жылы Х. Досмұхамедов атындағы Атырау университетінің «Менеджмент» кафедрасында оқытушы ретінде бастап, қазіргі уақытқа дейін осы кафедрада аға оқытушы қызметін атқарып келеді. Ғылыми қызығушылықтары персоналды басқару мәселелерін қамтиды. Осы бағытта ғылыми-зерттеу жұмыстарын жүргізіп, отандық және халықаралық ғылыми басылымдарда мақалалар жариялаған. Оның еңбектері Қазақстан Республикасы Ұлттық ғылым академиясының хабаршысында және халықаралық ғылыми-практикалық конференциялар материалдарында жарық көрген. Гульбаршын Болатовна біліктілігін арттыруға ерекше көңіл бөледі. 2020 жылы «Жоғары оқу орындарында экономикалық пәндерді оқытудың заманауи әдістерін қолдану» тақырыбында «Global Professional Development» оқу орталығында қашықтықтан білім алды. 2022 жылы «Цифрлық технологияларды қолдана отырып ЖОО-да оқыту әдістері» тақырыбында онлайн курстан, сондай-ақ «Халықаралық менеджмент» бағыты бойынша «Advance» оқу орталығында біліктілігін арттыру курсынан өтті. Педагогикалық қызметінде «Макроэкономика», «Тайм-менеджмент», «Халықаралық менеджмент» пәндерінен дәріс береді. Еңбегі жоғары бағаланып, 2018 жылы университет ректорының алғыс хатымен марапатталған.