Халел Досмұхамедов атындағы Атырау университетінің Орыс филологиясы кафедрасының сеньор-лекторы, педагогика ғылымдарының магистрі Қайрлиева Нұргүл Балқашқызы 2026 жылғы 30 наурыз бен 4 сәуір аралығында Қырғыз Республикасы, Бішкек қаласындағы И. Арабаев атындағы Қырғыз мемлекеттік университетінде академиялық ұтқырлық бағдарламасы аясында іссапарда болды.
Сапар барысында Орыс тілі мен әдебиетін оқыту теориясы мен әдістемесі кафедрасымен ғылыми-педагогикалық тәжірибе алмасу жүзеге асырылды.
Академиялық ұтқырлық бағдарламасы филология мамандығында білім алатын студенттерге арналған дәрістік және практикалық сабақтарды, сондай-ақ ғылыми семинарларды өткізуді қамтыды. Негізгі назар болашақ мамандардың кәсіби-коммуникативтік және лингвомәдениеттанымдық құзыреттіліктерін қалыптастыру мәселелеріне аударылды.
Аталған бағдарламаны жүзеге асыру халықаралық ынтымақтастықты нығайтуға, академиялық байланыстарды кеңейтуге және педагогикалық кадрларды даярлау сапасын арттыруға ықпал етеді.
