Қазақстанның үздік болашақ талапкерлеріне арналған кәсіби бағдар экскурсиясы ұйымдастырылды

Х.Досмұхамедов атындағы Атырау университетінде «ATYRAU SMART START» қоғамдық бірлестігінің қолдауымен Қазақстанның үздік болашақ талапкерлеріне арналған кәсіби бағдар экскурсиясы ұйымдастырылды.

Бұл шараның негізгі мақсаты – оқушыларға жоғары білімнің мүмкіндіктерін көрсетіп, болашақ мамандықтарын дұрыс таңдауға бағыт-бағдар беру.

Экскурсия барысында оқушылар университеттің профессор-оқытушылар құрамымен кездесіп, өздерін қызықтыратын мамандықтар туралы маңызды ақпарат алды. Сонымен қатар, олар заманауи аудиториялар мен зертханаларды аралап, ғылыми-тәжірибелік жұмыстармен танысты. Оқушылар университеттегі білім беру үдерісіне тікелей қатысып, өзін бір күнге студент ретінде сезіну мүмкіндігіне ие болды.

Бұл іс-шара жас түлектердің кәсіби бағдарын айқындауға, болашақ мамандығын саналы түрде таңдауға ықпал етті деген сенімдеміз.