Рахметов Максот Елеусизович

Рахметов Максот Елеусізович – информатика саласының маманы, PhD докторы, қауымдастырылған профессор, жас ғалымдарды қолдау және цифрлық білім беру технологияларын дамыту бағытында белсенді ғылыми-педагогикалық қызмет атқарып жүрген ғалым.Қазіргі уақытта Х. Досмұхамедов атындағы Атырау университетінің Информатика кафедрасында қауымдастырылған профессор қызметін атқарады. Сонымен қатар университеттің Жас ғалымдар кеңесінің төрағасы ретінде жас зерттеушілердің ғылыми әлеуетін дамытуға, ғылыми жобалар мен инновациялық бастамаларды жүзеге асыруға жетекшілік етеді.Оның ғылыми зерттеу бағыттары жасанды интеллект негізіндегі білім беру платформалары, learning analytics, цифрлық білім беру, STEM-білім беру, қашықтықтан оқыту технологиялары және білім беру үдерісін цифрландыру мәселелерін қамтиды. Бірқатар халықаралық және республикалық ғылыми жобалардың жетекшісі және орындаушысы болып табылады, оның ішінде «Жас ғалым» гранттық жобасы аясында Жасанды интеллект негізіндегі қашықтықтан оқыту платформасын әзірлеу жұмыстарын жүргізуде.Рахметов М.Е. Scopus және Web of Science деректер базасына кіретін халықаралық ғылыми журналдарда жарияланған ғылыми мақалалардың авторы. Ол білім беру саласында жасанды интеллект технологияларын енгізу, цифрлық білім беру экожүйесін дамыту және жас ғалымдарды ғылыми қызметке тарту бағытында белсенді жұмыс жүргізіп келеді. Ғылыми атақ-дәрежесі: PhD докторы, қауымдастырылған профессор Кафедра: Информатика Ғылыми зерттеу жұмысының бағыттары: Білім берудегі жасанды интеллект, қашықтықтан оқыту, digital education, инклюзивті білім беру. Еңбек жолы: 2021–2022 жж. – Х. Досмұхамедов атындағы Атырау университеті, “Информатика” кафедрасы, оқытушы. 2022–2024 жж. – Х. Досмұхамедов атындағы Атырау университеті, “Информатика” кафедрасы, аға оқытушы. 2024 ж. – қазіргі уақытқа дейін – Х. Досмұхамедов атындағы Атырау университеті, “Информатика” кафедрасы, PhD, қауымдастырылған профессор. 2024 ж. – қазіргі уақытқа дейін – Х. Досмұхамедов атындағы Атырау университеті, Жас ғалымдар кеңесінің төрағасы. Ғылыми қызығушылықтар: білім беруді цифрландыру, жасанды интеллект негізіндегі оқыту жүйелері, қашықтықтан оқыту платформаларын әзірлеу, learning analytics және білім беру деректерін талдау бағыттарын қамтиды. Сонымен қатар, оның зерттеулері студенттердің оқу жетістіктерін болжау, ерте ескерту жүйелерін құру, цифрлық білім беру технологияларын педагогикалық үдеріске тиімді енгізу, сондай-ақ гидронимдерді когнитивтік-білім беру тұрғысынан зерттеу мәселелеріне бағытталған. Жетістіктері: ҚР Ғылым және жоғары білім министрлігі «Жас ғалым» AP25796073 «Жасанды интеллект принциптеріне негізделген қашықтықтан оқыту платформасын құру әдістемесін әзірлеу» жоба жетекшісі. «PhD Mentor мектеп оқушылары мен мұғалімдерге арналған ғылыми қолдау жобасы” стартап жоба жетекшісі. ҚР Ғылым және жоғары білім министрлігі AP19678865 «Оптимизация процесса обучения решению физических задач на основе STEM-технологий в профессиональной подготовке будущего учителя» жобасының мүшесі.