Ректорлар

ИДРИСОВ САЛАМАТ НҰРМҰХАНҰЛЫ▼

2020 жылдан бері университет ректоры
Идрисов Саламат Нұрмұханұлы 1974 жылы 9 ақпанда Гурьев облысы (қазіргі Атырау) Индер ауданы, Өрлік ауылында дүниеге келді.
Білімі - жоғары, 1996ж. Х.Досмұхамедов атындағы Атырау мемлекеттік университеті «Математика және информатика» мамандығы бойынша бітірді.
Еңбек жолын 1996 жылы Х.Досмұхамедов атындағы Атырау мемлекеттік университетінің «Информатика негіздері және есептеуіш техника» кафедрасына оқытушы болып бастады.
1998 ж. - «Информатика және оқытудағы жаңа ақпараттық технологиялар» кафедрасының аға оқытушысы
2000 ж. – университет типографиясының директоры, сол жылы желтоқсан айында қайта құрылған Жаңа ақпараттық технологиялар орталығы Полиграфия бөлімінің меңгерушісі
2003 ж.- Жаңа ақпараттық технологиялар орталығының директоры
2006 ж.- Х.Досмұхамедов атындағы Атырау мемлекеттік университетінің Информатика кафедрасының доценті академиялық атағы берілді
2009 ж. - Физика, математика және ақпараттық технологиялар факультетінің деканы
2011 ж. - Ақпараттық технологиялар орталығының директоры
2012 ж. - Қашықтықтан оқыту факультеті деканы
2013 ж. - Әкімшілік-шаруашылық департаменті директоры, Қашықтықтан оқыту факультеті деканы
2015 ж. - Қашықтықтан оқыту факультеті деканы
2016 ж. - 2019 ж. - Ғылыми жұмыстар жөніндегі проректоры
2019 жылдың 31 желтоқсаннан бастап Х.Досмұхамедов атындағы Атырау мемлекеттік университетінің ректоры
2020 жылдың маусым айынан бастап "Х.Досмұхамедов атындағы Атырау университеті" КеАҚ Басқарма төрағасы-ректор м.а
2020 жылдың 23 желтоқсаннан бастап "Х.Досмұхамедов атындағы Атырау университеті" КеАҚ Басқарма төрағасы - ректоры
2021 жылдың қаңтардан айынан бастап Атырау облыстық мәслихат депутаты
2009 жылдың 31 наурыз күні 13.00.01 – Жалпы педагогика, педагогика және білім тарихы, этнопедагогика мамандығы бойынша педагогика ғылымдарының кандидаты ғылыми дәрежесін алу үшін БД 14.61.02. біріккен диссертациялық кеңесінде «Жоғары оқу орнының білім беру үдерісінде студенттердің ақпараттық мәдениетін қалыптастырудың педагогикалық шарттары» атты тақырыпта диссертация қорғап, 21 мамыр 2009 жылы педагогика ғылымдарының кандидаты ғылыми дәрежесі берілді.
ҚР Білім және ғылым министрлігінің «Қашықтықтан оқыту технологиясы мәселелері» сертификаты (2009 ж, 2013 ж); 2010 жылы Астана қаласында ARTA SOFT компаниясы ұйымдастырған «Платон» оқу үдерісін автоматтандыру бағдарламасы сертификаты (2013 ж); 2011 жылы Атырау қаласында Thomson Reuters компаниясының «Web of Knowlegde: сіздің ғылыми зерттеулердегі жолсерігіңіз» атты сертификатқа ие болды.
2012 жылы Қазақстан Республикасы Президентінің БОЛАШАҚ халықаралық стипендиясының иегері ретінде Швейцарияның Монтрё қаласында Монтрё бизнес мектебінде (Montreux School of Business) үш айлық ғылыми тағылымдамадан өтіп, сертификатқа ие болды. Бұл ғылыми тағылымдамада 10 курс бойынша білімін жетілдірді. Олар: Швейцарияның білім беру жүйесі, мәдениеті мен экономикасы (Swiss culture & economy), кәсіпкерлік (Entrepreneurship), жетекшілік (Leadership), стратегиялық менеджмент (Strategic management), адами ресурстарды басқару (Human resource management), креативтілік және инновация (Creativity & Innovation), банк ісі және портфолио (Banking & Portfolio) курстары және т.б.
2014 жылы International Center for Education & Technology (USA) and Association of Higher Education Institutions (Republic of Kazakhstan) “International Leadership for Education” сертификаты.
2014 жыл 8-9 қыркүйек, «Білім дамуындағы көшбасшылық» Ассоциациясының «Әлемдік тәжірибе мәнмәтінінде ҚР ЖОО-дарында корпоративтік басқаруды енгізу» семинар-тренинг сертификаты.
2014 жылы 11 қараша, Thomson Reuters компаниясының «Как находить журналы с импакт-фактором» ғылыми зерттеулер жүргізу семинары “Платформа Web of Science”, “Journal Citation Reports” тақырыбында сертификаты.
2015 жылы 11-12 маусым, Халықаралық конференция сертификаты «International Conference Eurasian Higher Education Leaders Forum», Astana, Nazarbayev University.
2016 жылы 13-14 қаңтар, Халықаралық семинар «Ақпараттық-коммуникациялық технологияларды (АКТ) білім беру үдерісінде пайдалану жоғары білім реформалау бойынша сарапшыларға және университет қызметкерлеріне арналған», Алматы, ҚР БжҒМ, Қазақстандағы ЭРАЗМУС+ Бағдарламасының ұлттық Кеңсесі, аль-Фараби атындағы ҚазҰУ.
3 оқу-әдістемелік құралы, 1 монография, 50-ден аса ғылыми мақалалар, оның ішінде имфакт-факторы жоғары SCOPUS және РИНЦ журналдарында 6 ғылыми мақаласын жарияланды.
Марапаттары: Қазақстан Республикасы Президенті Н.Ә.Назарбаевтың (2005 ж, 2007ж., 2011 ж., 2016 ж), Атырау облыстық мәслихатының Құрмет грамотасымен (2005 ж), Облыс әкімі Алғыс хатымен (2007 ж., 2011 ж.), жас ұрпақты оқыту және тәрбиелеу ісіндегі елеулі табыстары үшін Қазақстан Республикасы Білім және ғылым министрлігінің «Ы.Алтынсарин» (2010 ж) белгісімен, ҚР Жоғары оқу орындарының қауымдастығының еліміздің жоғары білім беру жүйесінің дамуына қосқан зор үлесі және жаңа буын мамандарды дайындаудағы ерен еңбегі үшін «А.Байтұрсынов атындағы қола медальмен» (2014 ж.), Атырау қаласы әкімінің Құрмет грамотасымен (2016 ж.) марапатталған.
Үйленген, төрт ұлы бар.

ТАЛТЕНОВ АБЗАЛ АХАТҰЛЫ▼

2016-2019жылдар

Талтенов Абзал Ахатұлы 1972 жылы 11 қаңтарда Атырау облысы, Махамбет ауданы, Чкалово ауылында қызметкерлер отбасында дүниеге келді.

1997 жылы химия ғылымдарының кандидаты, 2007 ж. химия ғылымдарының докторы, 2010 жылы профессор ғылыми атағын алды.

1998 жылы Қазақстан Республикасы Білім және ғылым министрлігі Білім комитетінің Республикалық «Дарын» ғылыми-практикалық орталығының бас маманы қызметін атқарды.

1998-2001 жылдары Қазақстан Республикасының Білім және ғылым министрлігі Білім комитеті республикалық «Дарын» ғылыми-практикалық орталығында бас маман, кейіннен директордың орынбасары болып еңбек етті.

2001-2008 жылдары С.Торайғыров атындағы Павлодар мемлекеттік университетінде қызметкерлер мен істер басқармасының бастығы, Әкімшілік департаментінің директоры, ғылыми жұмыстар және халықаралық байланыстар жөніндегі проректоры, бірінші проректоры қызметтерін атқарды.

2008-2011 жылдары Семей мемлекеттік педагогикалық институтында бірінші проректор-оқу ісі жөніндегі проректор болды.

2011-2016 жылдары Л.Н.Гумилев атындағы Евразия ұлттық университетінің аппарат жетекшісі, оқу ісі жөніндегі проректор, ғылыми-зерттеу жұмыстары бойынша проректор қызметін атқарды.

80-нен астам ғылыми-әдістемелік жарияланымдардың, соның ішінде 3 монографияның, 7 авторлық куәліктің авторы.

Қазақстан Республикасының Ұлттық Жаратылыстану ғылымдары Академиясының академигі, Халықаралық педагогикалық білім Академиясының мүше-корреспонденті, Қазақстан Республикасы Педагогика ғылымдары академиясының академигі. Химия және экология саласынан бірқатар ғылыми журналдардың редакциялық алқасының мүшесі.

Қазақстан Республикасының Президенті Н.Ә.Назарбаевтың «Алғыс хаты» (2004ж.), «Қазақстан Республикасы Білім саласының Құрметті қызметкері» белгісімен (2005ж.), Қазақстан Республикасы ғылымына сіңірген еңбегі үшін» белгісімен (2009ж.), С.Торайғыров атындағы «Алтын медальмен» (2010ж.), Қазақ хандығының 550 жылдығын атап өтуге байланысты іс-шараларды ұйымдастыруға қосқан үлесі үшін Қазақстан Республикасының Алғыс хатымен (2015ж.) марапатталды.

МАМРАЕВ БЕЙБІТ БАЙМАҒАМБЕТҰЛЫ▼

2012-2016 жылдар
Мамраев Бейбіт Баймағамбетұлы (1957ж.т.) – мемлекет және қоғам қайраткері. Қазақстан Республикасы Парламенті Мәжілісінің VI шақырылымының депутаты, Әлеуметтік-мәдени даму жөніндегі комитеттің төрағасы. Ғылым докторы, профессор, Еуразия халықаралық экономикалық академиясының толық мүшесі (академик),(2010ж), Қазақстанның Педагогикалық Ғылымдар Академиясының толық мүшесі (академик), (2015ж). Диломатиялық дәрежесі бар.
Елде және шетелде жарық көрген 200-ден астам ғылыми жұмыстың авторы. Компартивистика және әдебиет тарихы, білім мен ғылымдағы стратегиялық менеджмент салаларындағы белгілі маман. Нантер (Париж-10) және Сорбонна (Париж-3) университеттерімен белсенді әріптестікте болған. Ғалымның жетекшілігімен көптеген адамдар, соның ішінде Ресей мен Қытай азаматтары бар, диссертациялар қорғаған. Көптомды қазақ әдебиеті тарихы, Түркияда шығарылған түркі халықтары әдебиетінің тарихы авторларының бірі, 100 томдық «Бабалар сөзі» басылымының редакция алқасының мүшесі.
Еңбек жолын 1973 жылы жұмысшы болып бастаған. Қарағанды мемлекеттік университетінің түлегі. 1980 жылы Қарағандыдағы Центросоюз кооперативтік институтына оқытушы ретінде шақырылған.
1986 жылы Абай атындағы Қазақ педагогикалық институтының аспирантурасын мезгілінен бұрын аяқтап, кандидаттық диссертациясын қорғады. Қарағанды мемлекеттік университетіне доцент болып қызмет етті.
1989 жылы ҚР Ұлттық ғылым академиясының ғылыми-зерттеу жұмыстарына ауысты. М.О. Әуезов атындағы Әдебиет және өнер институтында басшылық қызметтер атқарды.
1998 жылы филология ғылымдарының докторы ғылыми дәрежесін алу диссертациясын қорғады. 2000 жылы профессор ғылыми атағы берілді. Академик Зейнолла Қабдоловтың шақыруымен әл-Фараби атындағы Қазақ мемлекеттік университетінің әдеиет кафедрасының профессоры қызметін атқарды.
2000-2004 жылдары ҚР Президент Әкімшілігінде білім және ғылым секторын, кейін Ішкі саясат басқармасының әлеуметтік саясат секторын басқарды. Ғылым, білім, мәдениет («Мәдени мұра») спорт және туризм денсаулық сақтау, тұрғын үй құрылысын дамыту салаларындағы Мемлекеттік бағарламаларды әзірлеуге белсенді атсалысты.
2004 жылы дипломатиялық қызметке жіберілді. Қазақстан Республикасының Ресей Федерациясындағы Елшілігінде Кеңесші-Елші болды. Бұл қызметі кезінде Мемлекет басшысының тапсырмасымен, ҚР-дің РФ-дағы Төтенше және Өкілетті Елшісі Қ.Е. Көшербаевтың жетекшілігімен маңызды гуманитарлық-мәдени жобалар жүзеге асырылды – Москва қаласында қазақтың ұлы ақыны Аай Құнанбайұлы мен Кеңес Одағының батыры Әлия Молдағұловаға, Волоколамскіде Кеңес Одағының батырлары Бауыржан Момышұлы мен И.В.Панфиловқа ескерткіш орнатылды. Москвадағы Қазақстан Елшілігінде Абай институты ашылды.
2006-2008 жылдары Қазақстан Республикасы Президенті Әкімшілігінің Мемлекеттік инспекторы лауазымында республика өңірлерінің экономикалық саясаты мен дамуын жүзеге асыру бағытында белсенді жұмыс істеді.
2008-2012 жылдары – С.Аманжолов атындағы Шығыс Қазақстан мемлекеттік университетінің ректоры.
2012-2016 жылдары «Х.Досмұхамедов атындағы Атырау мемлекеттік университетінің» ректоры болды.
2014 жылы АҚШ-та Калифорниялық Беркли университетінде ғылыми тағылымдамадан өтті.
Профессор ректор Б.Мамраевтың қызметін кризистік менеджер ретінде сипаттауға болады. Ол басқарған жоғары оқу орындары республиканың жоғары білім беру саласында аутсайдерлер болды. Стратегиялық менеджментті дұрыс таңдау, университеттер оқытушылары мен қызметкерлерін Ұлыбритания, Швейцария, Италия, Польша, Германияның жетекші ғылыми-білім беру орталықтарында қайта даярлаудан өткізу, Ұлыбритания және құрлықтық Еуропа, Азия ЖОО-ларының профессорларын дәріс оқуға шақыру, халықаралық студенттік бағдарламаларды (Еразмус, екіжақты келісім) нәтижелі пайдалану ЖОО-дағы кадрлар дайындығы деңгейі мен рейтингін көтеруге мүмкінік берді.
Білім сапасына, ғылыми зерттеулердің дамуына және университеттердің ғаламдық білім кеңістігіне араласуына ерекше көңіл бөлді. Ректор болған кезінде ШҚМУ-дың Манғолиядағы (Баян-Өлгей) филиалының жұмысы жетілдірілді, материалдық-техникалық базасы жақсарды, білім беру бағдарламаларының сапасы артты. Ректордың бастамасымен және Қазақстан Үкіметі Білім және ғылым министрлігінің қолдауымен 2010 жылдан бері Монғолиядан келген студенттерге 25 мемлекеттік грант бөлінеді.
Б.Мамраев жоғары оқу орындарының басшысы лауазымы кезінде қазақ мәдениеті, тарихы және тілін шетелде насихаттауға көп көңіл бөлді. Ресей Федерациясы, Қытай және Монғолия елдерінің шекарамызға жақын орналасқан университеттерінде «Абай» орталықтары ашылды. Еуразиялық Университеттер қауымдастығының (Москва қ.) ревизиялық комиссиясы мүшесі болды. Басқарған университеттерінің кітапханаларына өзінің жеке кітаханасынан 3 мың данаға жуық кітапты сыйға берді.
Өңірлерде жұмыс істеген кезінде қоғамдық-саяси өміріне белсенді араласты. Екі рет ШҚО облыстық мәслихатының депутаты болып сайланып, бюджет жөніндегі комиссияны басқарды. Сыбайлас жемқорлықпен күрес жөніндегі Қоғамдық кеңестің Шығыс Қазақстан облысы бойынша филиалын басқарды, Атырау облыстық ІІД Қоғамдық кеңесінің төрағасы болды.
Б.Мамраевтың белсенді қоғамдық-саяси қызметі «Нұр Отан» ХДП-ның «Белсенді қызметі үшін» (2011ж) медалімен аталып өтті.
«Құрмет» орденімен (2011ж.), Қазақстан Респуликасы Президенті Н.Назарбаевтың алғыс хаттарымен (2007ж., 2011ж. 2015ж.) марапатталды. 2017 жылы «Алтын барыс» төсбелгісімен, «Қазақстан Ресубликасы Тәуелсіздігіне 10 жыл» (2001ж.), «Қазақстан Ресубликасы Тәуелсіздігіне 20 жыл» (2011ж.), «Қазақстан Ресубликасы Тәуелсіздігіне 25 жыл» (2016ж.), «Қазақстан Ресубликасы Конституциясына 10 жыл» (2005ж.), «Қазақстан Ресубликасы Конституциясына 20 жыл (2015ж.), «Астанаға 10 жыл» (2008ж.), «Астанаға 20 жыл» (2018ж.), «Қазақстан Халқы Ассамблеясына 20 жыл» (2015ж.) мерейтойлық медальдарымен, ҚР Парламенті Сенаты Төрағасының (2015ж.), Қалмақ Ресубликасы Үкіметінің алғыс хаттарымен (2014ж.), ҚР БҒМ-нің «Ы.Алтынсарин», «А.Байтұрсынұлы», ҚР Мәдениет және спорт министрлігінің «Дене тәрбиесі және спортты дамытудағы ерен еңбегі үшін», ҚР Ішкі істер министрлігінің «Қайсар» (2011ж.), ҚР Ұлттық олимиада комитетінің (2009ж.), РФ Қарулы күштеріні

ҚАЗМАҒАМБЕТОВ АЛТАЙ ҒАБДРАХМАНҰЛЫ▼

2008-2011 жылдар

ҚАЗМАҒАМБЕТОВ АЛТАЙ ҒАБДРАХМАНҰЛЫ – (Ақтөбе обл., Мартук пос., 28.08.1964ж.т.). Педагогика ғылымдарының кандидаты (1993ж.), докторы (1999ж.), доцент (1991ж.), профессор (1997ж.). Абай атындағы Қазақ педагогикалық институтының жаратылыстану-география факультетінің «География-биология» мамандығы бойынша бітірген. Сондай-ақ педагогика кафедрасының аспирантурасын (1991-1993жж.), докторантурасын (1995-1998жж.) бітірген.

Еңбек жолын Алматы қаласындағы №65 орта мектепте география пəнi мұғалiмi ретiнде бастаған. Кейiнгi жылдары. Абай атындағы Қазақ Ұлттық педагогикалық институтында педагогика кафедрасы оқытушысы (1990-1991жж.), аспирант (1991-1993жж.), докторант (1995-1998жж.), доцент (1999-2002жж.), профессор (2002-2006жж.) жұмыстарын атқарған.

Абай атындағы Қазақ Ұлттық педагогикалық университетінің Д 14.05.01 ғылым докторы ғылыми дәрежесін алу үшін диссертация қорғау кеңесінің ғалым хатшысы, төрағасы (2001-2004жж.) болды.

2004-2006 жылдары Қ.А.Яссауи атындағы Халықаралық қазақ-түрік университетінде ғылым және халықаралық байланыстар жөніндегі вице-президент қызметін атқарды. Сондай-ақ Қ.А.Ясауи атындағы Халықаралық қазақ-түрік университеті президенті өкілінің Түрік Республикасындағы (Анкара қаласы) вице-президенті (2006-2007жж.).

ҚР Білім және ғылым министрлігінің білім және ғылым саласындағы қадағалау комитеті төрағасының орынбасары (2007-2008жж.), 2008 - 2011 жылы Х.Досмұхамедов атындағы Атырау мемлекеттік университеті ректоры қызметтерін атқарды. Көптеген халықаралық, одақтық және республикалық ғылыми конференцияларға қатысып, ғылыми баяндамалар жасаған. 100-ден астам мақалалар, 4 монография мен оқу құралдарының авторы.

Атыраудағы Х.Досмұхамедов атындағы Атырау мемлекеттік университетіне педагогика саласынан ашылған докторлық, кандидаттық диссертация қорғау Кеңесінің 2008-2011 жылдары төрағасы болды. Осы саладан бірнеше докторлық, кандидат шәкірттерін дайындады. Ол алдындағы еңбегі ескеріліп бірнеше наградалармен, соның ішінде 2010 жылы «Құрмет белгісі» орденімен марапатталды.

Атырау облыстық мәслихат депутаты болды.

Жаулин Киікбай Мыңбайұлы▼

2011 жылы Тамыз айынан бастап Қазан айына дейінгі аралықта Х.Досмұхамедов атындағы Атырау университеті ректоры қызметін атқарған.

01.08.2011-01.10.2011

Жаулин Киікбай Мынбайұлы – 1965 жылдың сәуір айында Актөбе облысының Байғанин ауданы, Жарқамыс селосында дүниеге келген.
Ғылым академиясының тарих және этнология институты жанындағы мамандандырылған кеңестің 1997 жылғы 7 мамырдағы шешімімен тарих ғылымдарының кандидаты ғылыми дәрежесі берілді.
1998 жылы Жоғарғы аттестациялық комиссияның шешімімен доцент атағы берілді.
Қазақстан Республикасы Білім және ғылым министрлігінің Білім және ғылым саласындағы бақылу комитетінің 2009 жылғы 29 сәуірдегі шешімімен саяси ғылымдарының докторы ғылыми дәрежесі берілді.
Қазақстан Республикасы Білім және ғылым министрлігінің Білім және ғылым саласындағы бақылау комитетінің 2011 жылы 11 сәуірдегі шешімімен саясаттану мамандығы бойынша профессор ғылыми атағы берілді.
Тарих және қоғамдық ғылымдар академиясының академигі атағы мамыр айында, 2019 жылы берілді.
200-ге тарта мақалалары, 4 монографиялық еңбегі және 3 оқу-әдістемелік құралдары жарық көрді.
1983-1990 жж. Гурьев педагогика институтының студенті
1984-1986 жж. СА қатарында борышын өтеді
1990-1993 жж. Х. Досмухамедов атындағы Атырау мемлекеттік университеті «Саяси тарих және саяси экономика» кафедрасының оқытушысы
1993-1994 жж. Х. Досмухамедов атындағы Атырау мемлекеттік университетінің «Қазақстан тарихы» кафедрасының оқытушысы
1994-1997 жж. Х. Досмухамедов атындағы Атырау мемлекеттік университетінің «Қазақстан тарихы» кафедрасының аға оқытушысы
1997-1998 жж. Х. Досмухамедов атындағы Атырау мемлекеттік университетінің сырттай оқу факультеті деканының орынбасары
1998-2000 жж. Х. Досмухамедов атындағы Атырау мемлекеттік университетінің «Қазақстан тарихы» кафедрасының Доценті
2000 ж. Х. Досмухамедов атындағы Атырау мемлекеттік университетінің «Кеден және құқық пәндері» кафедрасының меңгерушісі
2000-2003 жж. Х. Досмухамедов атындағы Атырау мемлекеттік университетінің заң факультетінің деканы
2003 ж. Х. Досмухамедов атындағы Атырау мемлекеттік университетінің экономикалық болжау және басқару жөніндегі проректоры

2003-2004 жж. К. Жұбанов атындағы Ақтөбе мемлекеттік университетінің оқу-әдістемелік жұмыстары жөніндегі проректоры
2004-2005 жж. Ақтөбе мемлекеттік педагогикалық институтының оқу-әдістемелік басқармасының бастығы
2005-2006 жж. Атырау мұнай және газ институтының өндіріс жөніндегі проректоры
2006-2007 жж. Гуманитарлық пәндер кафедрасының профессоры
2007-2008 жж. Атырау облыстық ішкі саясат департаменті директорының орынбасары
2008-2009 ж.ж. Атырау мұнай және газ институтының «Қазақстан тарихы» кафедрасының Профессоры
25.08.2009 ж. «Қазақстан тарихы және құқық» кафедрасының меңгерушісі
16.08.2009-10.12.2010 жж. Атырау қаласы әкімінің орынбасары
10.12.2010 ж. Атырау облыстық білім беру басқармасының бастығы
13.08.2011 ж. Х. Досмухамедов атындағы Атырау мемлекеттік университетінің Ректоры
01.09.2012 ж. АМжГИ ғылыми-зерттеу орталығының директоры
01.11.2013 –06.08.2018ж.АИГИ ғылым және халықаралық байланыстар жөніндегі проректоры.
06.08.2018 -25.10.2018ж. Маңғыстау облысының кәсіподақтар орталығы бірлестігі төрағасының орынбасары.
25.10.2018 – 12.12.2019 Маңғыстау облысының кәсіподақтар орталығы бірлестігінің төрағасы
13.12.2019 ж. - «Маңғыстау профсервис» ЖШС-нің директоры
1989-1994 жылдары студенттер арасынан алғашқы Гурьев қалалық кеңесінің депутаттығына сайланып, екі шақыруда Жастар ісі, ұлт, мәдениет, халыққа білім беру және тарихи мұра жөніндегі тұрақты комиссияның төрағасы болды.
1994-1999 жылдары Атырау қалалық мәслихат депутаттығына баламалы түрде депутат болып сайланып, жастар арасында жүргізілетін жұмыстардың одан әрі жетілдірілуіне өзіндік үлес қосты. Гурьев қаласын Атырау қаласына өзгерту жөніндегі комиссия төрағасының орынбасары және қалалық кеңестің депутаты ретінде, қала тұрғындары мен студент-жастарға Гури деген купецтің атын өзгерту үшін, үлкен ұйымдастырушылық және идеологиялық жұмыстар жүргізіп, Гурьевті Атырауға өзгертуге және Жастар туралы мемлекеттік бағдарламаны ұсынуға, сонымен бірге қала, көше атауларын ұлы қазақтан шыққан тұлғалардың есімімен өзгерту үшін үлкен өзіндік еңбегін қалдырған азамат.
«Қазақстан мұнайына 100 жыл» төс белгісімен марапатталынды. Астана қаласы қыркүйек, 2000 жыл.
Атырау облысы әкімінің, жоғары білім берудегі жетістіктері үшін Х.Досмұхамедов атындағы Атырау мемлекеттік университетінің 50 жылдық мерей тойына орай Құрмет грамотасымен марапатталды. Атырау қаласы қазан, 2001 жыл.
Қазақстан Республикасы Президентінің «Қазақстан Республикасының Тәуелсіздігіне 10 жыл» мерекелік медалімен наградталды. Астана қаласы желтоқсан, 2001 жыл.
Ұстаздық қызметінде білім беру мен ғылым саласындағы еңбегі мен жетістігі үшін «Қазақстан Республикасы Білім беру ісінің кұрметті қызметкері» төс белгісімен марапатталды. Астана қаласы 28 қыркүйек, 2005 жыл.
Қазақстан Республикасы Президентінің «Еліміздің саяси өміріндегі реформалардың жүзеге асырылуына, облыстағы қоғамдық – саяси маңызы бар шараларға белсене атсалысқаны үшін» Алғыс хатына ие болды. Астана қаласы 25 желтоқсан, 2005 жыл.
Егемен еліміздің өміріндегі демократиялық жаңарулардың ойдағыдай іске асырылуына қосқан өзіндік үлесі үшін «Отан» ХДП-сы Орталық аппаратының Құрмет грамотасымен марапатталды. Астана қаласы 13 қараша, 2006 жыл.
Атырау облысы әкімінің Алғыс хатымен, «Мемлекеттік қызметке қосқан елеулі үлесі үшін және облыстың экономикасының нығаюына атсалысып, әсірісе жоғары білім саласын өрістетудегі еңбегі үшін» марапатталды. Атырау қаласы қараша, 2008 жыл.
Қазақсан Республикасы Мемлекеттік қызмет істер агенттігінің «Атырау облысында мемлекеттік қызметте атқарған жақсы қызметі үшін» Алғыс хатымен марапатталды. Астана қаласы 25 тамыз, 2011 жыл.
Қазақстан Республикасындағы жергілікті мемлеккеттік басқару және өзін-өзі басқарудың дамуы мен қалыптасуына қосқан елеулі үлесі үшін Қазақстан мәслихаттарына 20 – жыл мерекелік медалімен наградталды. Атырау қаласы 9 қазан, 2014 жыл.
Қазақстан Республикасы Білім және Ғылым министрлігінің «Қазақстан Республикасының ғылымын дамытуға сіңірген еңбегі үшін» төс белгісімен марапатталды. Астана қаласы 28 сәуір, 2015 жыл.
Қазақстан Республикасы Парламенті Сенатының төрағасы Қасым-Жомарт Тоқаевтың «Отандық заңнама жүйесін және қоғамдық жұмыстарға белсене атсалысқан қызметі үшін» Құрмет грамотасымен марапатталды. Астана қаласы сәуір, 2015 жыл.
2015 жылы Атырау қаласы әкімімен мәслихат хатшысының «Атырау қаласының экономикадағы, әлеуметтік саладағы, ғылымдағы, білім берудегі елеулі жетістіктері үшін» Құрмет грамотасымен марапатталды. Атырау қаласы наурыз, 2015 жыл.
2016 жылы «Қазақстан Республикасы Ұлттық инженерлік академиясының дамуына қосқан үлесі үшін» мерекелік медалімен марапатталды. Алматы қаласы, 11 қараша 2016 жыл.
2017 жылы Атырау облысының «Жыл үздігі – 2017», Үздік партия белсендісі атанды.
Қазақстан Республикасы Білім және Ғылым министрлігінің «Жас ұрпақты оқыту және тәрбиелеу ісіндегі елеулі табыстары үшін Ы.АЛТЫНСАРИН» медалімен марапатталды. Астана қаласы 5 сәуір, 2018 жыл.
«Нұр Отан» партиясы төрағасының бірінші орынбасары М.Әшімбаевтың қолымен «Нұр Отанның» ел арасындағы абырой-беделін арттырып, насихат жұмыстарын жүйелі жүргізуде белсенділік танытқаны үшін және Астанамыздың 20 жылдық мерейтойына орай Құрмет Грамотасымен марапатталды. Шілде, 2018 жыл.
Маңғыстау облысы әкімінің «Алғыс хатымен» марапатталды – желтоқсан 2018 жыл.
Қазақстан Республикасы Кәсіподақ Федерациясы Төрағасының «Алғыс хатымен» марапатталды, маусым 2019 жыл.
Атырау облысының әлеуметтік-экономикалық дамуына қосқан елеулі үлесі үшін «Атырау облысы мәслихаттарына 25 жыл» мерекелік медалімен наградталды, қараша 2019 жыл.
«Қазақстан Республикасы Кәсіподақтарға сіңірген еңбегі үшін» медалімен марапатталды, желтоқсан 2019 жыл.
Маңғыстау облысының әлеуметтік-экономикалық дамуына қосқан елеулі үлесі үшін, облыстық мәслихатының Құрмет Грамотасымен марапатталынды, желтоқсан 2019 жыл.
Қазақстан Республикасының Конституция күніне орай, қоғамдық марапаттар жөніндегі республикалық кеңесінің шешімі бойынша «Ұлт қайраткері» атағы беріліп төс белгісімен марапатталды, тамыз 2020 жыл.

ИМАНҒАЛИЕВ АСХАТ СӘЛІМҰЛЫ▼

1999-2008 жылдар

ИМАНҒАЛИЕВ АСХАТ СӘЛІМҰЛЫ - (21.08.1953ж.т.) Гурьев облысы Ембі ауд., (қазіргі Атырау облысы Жылыой ауданы Құлсары қаласы) А.С.Пушкин атындағы орта мектебін (1961-1971жж.), Гурьев қ., Гурьев педагогикалық институтының тарих-филология факультетін (“тарих” мамандығы бойынша) (1971-1975жж.), Алматы қ,. Ы.Алтынсарин атындағы педагогика ғылымдары ҒЗИ-ның аспирантурасын (1982-1985жж.) бітірген.

Гурьев қаласындағы теміржол транспорты техникумында оқытушы (1975-1976жж.), Кеңес Армиясы қатарында әскери міндетін атқарған (1975-1976жж.), Гурьев қаласындағы теміржол транспорты техникумның бастапқы комсомол ұйымының хатшысы (1977-1979жж.), Гурьев педагогикалық институтында (қазіргі Х.Досмұхамедов атындағы Атырау мемлекеттік университеті) әр түрлі салада жұмыс жасаған (1979-2008жж.).

Жалпы және халықтық педагогика кафедрасының аға оқытушысы, доценті, профессоры, Педагогика және тарих-филология факультеттерінің деканы (1986-1989жж.), Ғылыми істер жөніндегі проректор (1989-2000жж.), 13.00.01-Жалпы педагогика, педагогика және білім тарихы, этнопедагогика мамандығының педагогика ғылымдарының кандидаты ғылыми дәрежесіне диссертация қорғау бойынша мамандандырылған кеңесінің төрағасы (2001-2008жж.), университет ректоры (2000-2008). Атырау облыстық және қалалық мәслихатының депутаты (1998-2011жж.). Педагогика ғылымдарының кандидаты (1985ж.), докторы (1999ж.), доцент (1991ж.), профессор ЖАК (1997ж.).

100 астам ғылыми жұмыстардың авторы, соның ішінде: «Развитие идей валеологии и физического воспитания детей в казахской этнопедагогике», «Прогрессивные идеи и опыт народного воспитания у казахов», «Педагогическая валеология» сынды жеке шығарған оқу құралдары, бірігіп шығарған «Валеология. Учебник для школ», «Валеология. Оқулық» және «Валеология»- Жоғары сынып оқушыларына арналған электронды оқулықты айтуға болады.

«Парасат» ордені, «ҚР білім беру ісінің үздігі», «ҚР Білім беру ісінің құрметті қызметкері», «ҚР ғылымын дамытудағы үлесі үшін» төс белгілері, А.Байтұрсынов атындағы және Ы.Алтынсарин атындағы медальдары, «ҚР 10 жылдығы», «ҚР Конституциясының 10 жылдығы» мерейтойлық медальдары, ҚР Ұлттық қауіпсіздік комитетінің «Ұлттық қауіпсіздікті қамтамасыз етудегі үлесі үшін» ескерткіш медалі, ҚР Президенті Н.Ә.Назарбаевтың, ҚР білімі мен ғылымы корпоративті қорының Алғыс хаттары және әртүрлі деңгейдегі грамоталармен мараптталған.

2011 жылдан М.Өтемісов атындағы Батыс Қазақстан мемлекеттік университетінің ректоры.

ТАБЫЛДИЕВ ХИСМЕТ БОЗАНҰЛЫ▼

1991-1999 жылдар

ТАБЫЛДИЕВ ХИСМЕТ БОЗАНҰЛЫ - (Атырау обл., Бақсай (Махамбет) ауд. 18 ауыл (қазіргі Бесікті ауылында 8.09.1936 ж.т.) өмірге келген. Атырау (Гурьев) қаласындағы Орджоникидзе орта мектебін, Абай атындағы Қазақ Мемлекеттік педагогика институтының тарих, әдебиет және тіл мамандығын 1962 жылы бітірген. Атырау (Гурьев) қаласындағы Орджоникидзе орта мектебінде мұғалім (1962-1963ж.), Гурьев педагогика институтының оқытушы, аға оқытушы, доцент, факультет деканы қызметін атқарды (1963-1976жж.). Сырттай оқу бөлімінің проректоры (1976-1991жж.), Х.Досмұхамедов атындағы Атырау мемлекеттік университетінің тұңғыш ректор координаторы (1991-2000жж.), Облыстық Мәслихаттың депутаттығына қатарынан үш мерзімге сайланған. Облыстық мәслихат депутаты ретінде награда комиссиясын басқарған. Облыстық Мәслихаттың хатшысы (2000-2004жж.), Облыстық «Атырау» газеті бас редакторының орынбасары (2005ж.), Облыстық «НұрОтан» партиясының төрағасы (2001-2004жж.). Қазақстан Журналистер Одағының және Облыстық, қалалық ономастикалық комиссиясының мүшесі болған. Х.Досмұхамедов атындағы Атырау мемлекеттік университеті ректорының кеңесшісі қызметін атқарды. Тарих ғылымдарының кандидаты (1979ж.), докторы (1998ж.), доцент, профессор ЖАК (1992ж.), Х.Досмұхамедов атындағы Атырау мемлекеттік университеті «Құрметті ректоры», ҚР гуманитарлық Академиясының академигі (1997ж.). 200-ден астам ғылыми еңбектер мен мақалалардың авторы, соның ішінде: «Ақтаңдақтар ақиқаты», «Құрманғазы», «Кіші жүз руларының тарихы мен шежіресі», «Сауатсыздықтан білім шыңына», «Сарайшық», «Қазақстанда сауатсыздықты жоюдың қиыншылықтары», «Өзгерген өмір» т.б. атты монографиялық еңбектері бар. Парасат ордені (2009ж.), Атырау облысы Құрманғазы ауданының (2001ж.), Атырау қаласының (1997ж.) «құрметті азаматы», «Еңбек ардагері», «Ерен еңбегі үшін», «Қазақстанның 10 жылдығы», «Қазақстан Парламенті 10 жылдығы», «ҚР ғылымын дамытуға сіңірген еңбегі үшін», «10 лет ассоциации вузов Прикаспий», «60 років визволения Украіни від фашиствских загарбників (Украина)» медальдарымен, «ҚР білім беру ісінің үздігі», «ҚР білім беру ісінің құрметті қызметкері» төс белгілерімен және әртүрлі грамоталармен марапатталған.

АҚЫЛБАЕВ ЖАМБЫЛ СӘУЛЕБЕКҰЛЫ▼

1986-1991 жылдар

АҚЫЛБАЕВ ЖАМБЫЛ СӘУЛЕБЕКҰЛЫ, (Қарағанды облысы, Шет ауданы, Ақсу Аюлы селосында 27.07.1938ж.т. – Қарағанды қ-сы., 2007). Қарағанды облысы, Шет ауданы, Ақсу Аюлы селосы орта мектебін, (1950-1960), Қарағанды Мемлекеттік педагогика институты физика – математика факультеті, физика және жалпы техникалық мамандығы бойынша (1960-1965жж.), С.М.Киров атындағы Қазақ Мемлекеттік университетінің аспирантурасын (1965-1968жж.) бітірген. Қарағанды педагогикалық институтында, кейін 1972 жылдан Қарағанды Мемлекеттік университетінде (1960-1963жж.) оқытушы, кафедра меңгерушісі, деканның орынбасары, физика факультетінің деканы, ғылым, оқу ісі жөніндегі проректор (1963-1986жж.) қызметін атқарған. Гурьев (қазіргі Атырау) педагогикалық институтында (1986-1991жж.), Қарағанды Мемлекеттік университетінде ректор (1991-2004жж.) болған. Физика-математика ғылымдары кандидаты (1970ж.), техника ғылымдарының докторы (1996ж.), академик. Марапаттары: «Тың және тыңайған жерлерді игергені үшін» медалі (1957ж.), «КСРО білім саласындағы үздік жетістіктері үшін» төс белгісі (1982ж.), «Жігерлі еңбегі үшін» Бүкілодақтық «Білім» қоғамы басқармасының марапаты (1983ж.), «Еңбек ардагері» медалі (1985ж.), «Астана» медалі (1998ж.), «Парасат» ордені (1998ж.), «Еңбектегі жетістіктері үшін» Жоғары мектеп халықаралық ғылым академиясының медалі (2001ж.), «ҚР Тәуелсіздігіне 10 жыл» (2002ж.), «Жоғары мектеп алдындағы қызметі үшін» ЖМ ХҒА медалі (2002ж.), «ҚР білімінің құрметті қызметкері» белгісі (2002), «Россия жаратылыстану академиясының академик П.Л.Капица атындағы» медалі (2003ж.), А.Байтұрсынов атындағы алтын медаль және ҚР Жоғары оқу орындары ассоциациясының «10 жылдықтың үздік ректоры» медалі (2004ж.), «Қазақстан Конституциясының 10 жылдығы» медалі (2005ж.), Монғол Халық Республикасының «Даңқ жұлдызы» ордені (2006ж.), Шет ауданының құрметті азаматы, Қарағанды қаласының Құрметті азаматы.

КҮНХОЖАЕВ НӘЖІМАН РАЗАХҰЛЫ▼

САХИПОВ ЕРЕН БАХЫТҰЛЫ▼

1976-1983 жылдар

САХИПОВ ЕРЕН БАХЫТҰЛЫ - 1942 ж қазіргі Батыс Қазақстан облысында өмірге келген. Орта мектепті аяқтағаннан кейін 1959-64 жылдары Абай атындағы Қазақ мемлекеттік педагогикалық институтының жаратылыстану факультетін бітірген. 1965-68 жылдары ботаника мамандығы бойынша Қазақстан Ғылым Академиясының аспирантурасын бітіріп, сол жылы биология ғылымымдарының кандидаттық диссертациясын сәтті қорғаған соң, осы жоғары оқу орнында ғылыми қызметкер еңбек етеді. 1970 жылдан бастап 1976 жылға дейін Гурьев (Атырау) педагогика институтының (қазіргі Х.Досмұхамедов атындағы Атырау мемлекеттік университеті) ғылыми істер, оқу ісі жөніндегі проректор қызметін атқарады. 1976 жылдан 1983 жылдар аралығында Гурьев (Атырау) мемлекеттік педагогикалық институтының ректоры қызметін атқарған. 1983 жылы Алматыдағы Қазақстан Ғылым Академиясында аға қызметкер, Қазақстан Министрлер Кеңесінде бөлім басшысы ретінде «Болашақ» талантты жастарды шет елде оқытуға барлық күш-жігерін салды. Атырау педагогикалық институтын басқарған кезде еліміздің қоғамдық жұмысына белсене араласты. Облыстың «Білім» қоғамын басқарды. Бірнеше төсбелгілермен, гармоталармен марапатталған. 30-дан астам ғылыми-зеттеулер мен мақалалардың авторы.

ДАИРОВ ҒАПУРОЛЛА▼

1972-1976 жылдар

ДАИРОВ ҒАПУРОЛЛА 1932 жылы 15 сәуірде Атырау облысы (бұрынғы Гурьев облысы), Исатай (бұрынғы Новобогат) ауданына қарасты Манаш ауылында дүниеге келген. 1948/49 оқу жылында Атырау (бұрынғы Гурьев) қаласындағы Жамбыл атындағы орта мектептің 10 класын бітірген. 1949 жылы Исатай ауданының оқытушысы болып еңбек жолын бастайды. 1951 жылы Алматыдағы Абай атындағы Қазақтың мемлекеттік педагогикалық институтының физика-математика факультетіне оқуға түсіп, оны 1955 жылы бітіргеннен кейін, Қазақ ССР оқу Министрлігінің жолдамасымен Гурьев мемлекеттік педагогикалық институтының «математика» кафедрасында оқытушы болып, өзінің негізгі ғылыми-педагогикалық еңбек жолын бастады. Осы институтта математика кафедрасының оқытушысы, аға оқытушы жұмысын атқара отырып, 1958 жылы физика-математика факультетінің деканы болып тағайындалды. Бұл жұмысты 1961 жылға дейін ойдағыдай атқарып, өзінің білімін көтеру және ғылыми жұмыспен жете айналысу мақсатында Абай атындағы КАЗПИ-дің «Дифференциалдық теңдеулер» кафедрасына аспирантураға түсті. Аспирантураны 1964 жылы ойдағыдай аяқтап, 1965 жылы 15 қаңтарда С.М.Киров атындағы Қазақтың мемлекеттік университетінің (қазіргі әл-Фараби атындағы ұлттық университет) ғылыми кеңесінде физика-математика ғылымдарының кандидаты ғылыми дәрежесін алу үшін диссертацияны нәтижелі қорғады. Бұдан кейін, өзінің еңбек еткен ұжымына қайта оралып, факультетте кафедра меңгерушісі, факультет деканы жұмыстарын жалғастырды. 1966 жылы «математика» кафедрасының доценті деген ғылыми атақ алды. 1970-1972 жылдары осы институттың оқу ісі жөніндегі проректоры болып жұмыс жасады. 1972-1976 жылдары осы институттың ректоры болды. Осы жылдарда институттың материалдық базасын, оқу зертханаларын қажетті құралдармен жабдықтады және институттың жас оқытушыларының асперантурада оқу мүмкіншілігін ұйымдастырып, институттың оқытушы-кадрларының ғылыми сапасын көтеруге сапалы еңбектеніп, институттың жаңа оқу жүйесін іске қосты. 1968-70 жылдары институттың партия ұйымының хатшысы болып, Гурьев қалалық, облыстық партия комитетінің бірнеше рет мүшесі, депутаты, қалалық, облыстық партия комитетінің конференцияларына делегат болып сайланды. Қалалық «Білім» қоғамының төрағасы, республика «Білім» қоғамы съездерінің делегаты болды. Ғ.Даиров 1976-1986 жылдары осы институттың «математикалық талдау» кафедрасының меңгерушісі, 1986-1993 жылдары физика-математика факультетінің деканы болып жұмыс жасады. 1992 жылы КСРО жоғарғы аттестациялау комиссиясының шешімімен «математика кафедрасының профессоры» деген ғылыми атақ берілді. Профессор Ғ.Даиров орта және жоғары мектептерде жастарға тәлім-тәрбие, білім беру саласында 62 жыл еңбектенсе, оның 56 жылын Х.Досмұхамедов атындағы Атырау мемлекеттік университетінде үздіксіз еңбектеніп келеді. Профессор Ғ.Даиров «Математикалық анализ курсының есептері мен жаттығулар жинағы» I және II бөлімдер, 1998,2000 ж.ж., «Математикалық талдау (талдауға кіріспе)», 2006ж., «Комплекс айнымалы функциялар теориясының есептері мен жаттығулар жинағы», 2004 ж., «Математикалық талдау (интегралдық есептеулер)» 2007ж., оқу құралдарының авторы. Осылармен қатар, Ғ.Даировтың ғылыми, ғылыми-әдістемелік және оқу-тәрбие жұмыстарына арналған 89 мақалалары республиканың және жақын-алыс шет елдердің ғылыми журналдарында, ғылыми-практикалық, әдістемелік конференциялардың материалдарында, газеттерінде жарық көрген. Профессор Ғ.Даиров «Математика және математиканы оқыту әдістемесі» кафедрасында саналы еңбегін жалғастыруда. Профессор Ғ.Даиров ерен еңбегі үшін «Құрмет орденімен», «Қазақстан Республикасының тәуелсіздігіне 10 жыл», «За доблестный труд в тылу во время В.О.В.», «За трудовое отличия», «За доблестный труд 100 летия со дня рождения В.И.Ленина», «Ветеран труда», «1941-1945 ж.ж Ұлы Отан соғысындағы Жеңіске 60жыл», «1941-1945ж.Ұлы Отан соғысындағы Жеңіске 65 жыл» медальдарымен, «Ы.Алтынсарин», «Қазақстан Республикасынын білім беру ісінің құрметті қызметкері» төс белгілерімен, Республикалық, облыстық, қалалық дәрежеде құрмет грамоталарымен марапатталған.

ДҮЙМАҒАМБЕТОВА СӘНДУ ДҮЙМАҒАНБЕТҚЫЗЫ▼

ҚОЖАБАЕВ САДЫРБАЙ ТОҚПАНҰЛЫ▼

ЖАМАНБАЕВ ҚАДЫР ЖАМАНБАЙҰЛЫ▼

БІЛЕУБАЕВ БӘКІР▼

ТЕМІРҒАЛИЕВ ҚҰСПАН ЕСПЕНДІҰЛЫ▼

1950-1955 жылдар

ТЕМІРҒАЛИЕВ ҚҰСПАН ЕСПЕНДІҰЛЫ - 1919 ж 28 желтоқсанда Орал облысы Орда ауданы Шунгай станциясында дүниеге келген. Он үш жасынан шабан көмекшісі болып еңбек жолын бастайды. 1939 ж Орал педагогикалық институтының тарих факультетіне оқуға түседі. Осы жылдың қазан айында Кеңес әскерінің қатарына шақырылады. Ол Новосибирск қаласындағы 133 атқыштар дивизиясыны 418 атқыштар полкінде әскери қызмет атқарады. 1941-45 жылдары Ұлы Отан соғысына қатысады. Соғыс аяқталған жылы С.М.Киров атындағы Қазақ Мемлекеттік университетіне оқуға түседі. 1950 ж ҚазМУ-ді қызыл дипломмен бітіруші түлек Құспан Еспендіұлы Темірғалиев Гурьев мұғалімдер институтына директорлық қызметіне тағайындалады. 1959 ж тарих ғылымынан кандидаттық, 1966 ж докторлық диссертация қорғайды. «Құрмет белгісі» орденімен марапатталған. Атырауда бой көтерген алғашқы жоғарғы оқу орнын көркейтуге, оқу процесін қалыпты жүйеге түсіру бағытында елеулі еңбек сіңірген. Атырау мұғалімдер институтын (кейін Гурьев педагогикалық институты), (қазіргі Х.Досмұхамедов атындағы Атырау мемлекеттік университеті) алғаш ұйымдастырушы, тұңғыш ректоры (1950 - 1955 жж.). «Қазақстандағы мұнай өнеркәсібінің дамуы мен өркендеуі туралы» атты және т.б монографиялар, 100-ден астам ғылыми-методикалық еңбектердің авторы, Ұлы Отан соғысының ардагері.

Байтықов Сүгірбай Байтықұлы▼