Атырау университетінде кезекті Ғылыми кеңес отырысы өтті

Х.Досмұхамедұлы атындағы Атырау университетінде кезекті Ғылыми кеңес отырысы өтті

Кеңес барысында оқу орнының стратегиялық бағыттары, академиялық даму мәселелері, университеттің халықаралық ынтымақтастығының қазіргі жағдайы мен болашағы, сондай-ақ 2025 жылғы ғылыми қызметінің қорытындылары қаралды. Сонымен қатар, әріптестерге құрмет көрсетіліп, марапаттар табысталды.

Ғылым саласындағы нәтижелі еңбегі үшін университет ғалымдары Қазақстан Республикасы Ғылым және жоғары білім министрлігінің марапаттарына ие болды:
– Көптілді білім беру факультетінің деканы, профессор, ф.ғ.к. Амангазиева Меруерт Құсайынқызы – ана тілін дамытуға қосқан үлесі үшін төсбелгімен;
– Қылмыстық-құқықтық пәндер кафедрасының профессоры, з.ғ.к. Дюсебалиева Соледад Сагинова – құқық қорғау органдарына қосқан үлесі үшін төсбелгімен;
– Іс жүргізу бөлімінің жетекшісі Изтелеуова Гүлжүзім Амандыққызы – Құрмет грамотасымен;
– Университет архиві жетекшісі Ақбалиева Айтолқын Жалғасқызы – Алғыс хатпен;
– Персоналды басқару және дамыту бөлімінің маманы Шоканова Күнсұлу Жасталапқызы – Алғыс хатпен;
– Халықаралық ынтымақтастық және интернационалдау бөлімінің жетекшісі Даулетова Гүлзира Абайқызы – Алғыс хатпен марапатталды.

Ұжым атынан марапат иелерін құттықтай отырып, шығармашылық табыс пен жаңа ғылыми жетістіктер тілейміз!