Х.Досмұхамедов атындағы Атырау мемлекеттік университетінде ғылыми кітапхананың оқу залында  "Science cafe", яғни ғылыми кафе өз жұмысын бастады.

Іс-шара университеттің ректоры, химия ғылымдарының докторы, профессор А.Талтеновтың кіріспе сөзімен ашылды. Университет басшысы ғылыми жұмыстарды жандандыру туралы бірқатар тапсырмалар берді. Сонымен қатар жаңа бастама бойынша ғылым проректоры С.Идрисов, экономика және құқық факультетінің деканы Қ.Өтепқалиева.

Алғашқы мәжілісінде университеттің "Экономика және құқық" факультетіндегі жәй-күй талқыланды.

Жаңа форматтағы ғылыми бас қосуды ұйымдастырып, жүзеге асырған - университеттің бірінші проректоры-стратегиялық даму жөніндегі проректор А.Шилібекова және ғылым департаменті қызметкерлері. Жаңа форматтағы жобада ғалымдар ғылым саласындағы жаңалықтармен бөлісіп, пікір алмасатын болады.  

Ғылыми отырыстар әр аптаның жұма күні өтетін болады.