Атырау университетінің “Наурыз – жаңару мен жаңғырудың бастауы” атты концерт өтті

«Исатай–Махамбет» алаңында Наурыз мерекесіне орай Х.Досмұхамедов атындағы Атырау университеті ұйымдастырған “Наурыз – жаңару мен жаңғырудың бастауы” атты концерт өтті. Мерекелік кеш қала тұрғындары мен қонақтарына ерекше көңіл-күй сыйлады.

Шара барысында университеттің өнерпаз студенттері мен ұстаздары ұлттық ән-күй, би және театрландырылған көріністер ұсынып, қазақтың салт-дәстүрін дәріптеді. Кеш қонақтары халқымыздың бай мәдени мұрасымен сусындап, Наурыздың басты құндылықтары – бірлік, жаңару және жақсылыққа ұмтылу идеяларын сезіне алды.

Кеш соңында көрермендер өнерпаздарға ыстық ықыластарын білдіріп, көтеріңкі көңіл-күймен тарқасты.