Туралиев Азамат

1988 жылы 24 маусымда Атырау облысы, Жылыой ауданы, Құлсары қаласында дүниеге келді. 2006 жылы №9 Макаренко атындағы орта мекетепті бітіріп, сол жылы әл-Фараби атындағы Қазақ Ұлттық университетінің, Журналистика факультеті, «Баспа ісі және редакциялау» кафедрасының студенті атанды. 2010 жылы аталған оқу орнын аяқтап, сол жылы әл-Фараби атындағы Қазақ Ұлттық университетінің, Журналистика факультеті «Мерізімді баспасөз және электронды БАҚ» кафедрасының магистратурасын тәмамдады. Еңбек жолын 2012 жылы, «Алматы Ақшамы» газетінің тілшісі болып бастаған. 2014-2016 жыл аралығында “Атамекен» баспасының редакторы, ал 2017 жылы Еліміздегі алғашқы аграрлық интернет портал «Agrobiz.kz» сайтының шығарушы редакторы қызметтерін атқарды. Сонымен қатар, 2018 жылы Қазақстан Ұлттық арнасы, Алматы қалалық филиалының, жаңалықтар бөлімінде тәжирибеден өтіп, телевизия саласында қызмет атқарды. 2018-2022 жылдарда Алматы облысы, «Damu» индустриалды-логистикалық орталығының, қоғаммен байланыс бөлімінің тілшісі, бөлім редакторы болды. 2023 жылы практик маман ретінде Атырау қаласында, «Атырау облысының өңірлік коммуникациялар» қызметінде тілші, сол жылдың мамыр айынан бастап «Caspian News» телеарнасының редакторы қызметтерін атқарды. Сонымен қатар, 2023 жылдың қыркүйек айынан бастап Х.Досмұхамедов атындағы Атырау университеті, «Медиаорталық» директоры, бөлім маманы жұмыстарын атқарды. 2024 жылдан бастап қазіргі кезге дейін, Х.Досмұхамедов атындағы Атырау университеті, «Гуманитарлық ғылымдар және өнер» факультеті, Журналистика және қоғаммен байланыс кафедрасының аға оқытушысы, магистр.